Chliischtadt

Du wäisch es guet
Da isch blos e Chliischtadt
Nimmsch no e Groosses, wotsch lieber en Wii
E Schiff liit am Uufer, hüt schtiigt niemer me ii

Du wäisch es guet
Da isch blos e Chliischtadt
Jungi Idee und aalti Muure
Und erscht wänt furtgosch e liises Beduure

En Fluss flüüsst verbii
Hät früener ziimlich Schotter liggegloo
So isch es gsii
Hüt gschpürt käine me en Huuch devo

Du wäisch es guet
Da isch blos e Chliischtadt
Si schtönd am Baanhof, döt sinds nid so eläi
Äin verreist und äin chunt wider hei

Du wäisch es guet
Da isch blos e Chliischtadt
Ghöörsch en Flüüger im Sinkflug – baald wirt er lande
Wa für en Uusblick, lueg de Rii und lueg de Rande

Es bliibt debii
Da isch blos e Chliischtadt
Wie überall sötig, wo d Fuuscht im Sack mached
Und andri häts, wo nume drüber lached