Graui Chatze, schwarzi Hünd

Graui Chatze und schwarzi Hünd
Schtrieled Znacht bim Bahnhof umenand
Drei jungi Wiiber, wüescht wie d Sünd
Und aalti Waalplakaat hanged a de Wand

De letscht Zug isch vor 30 Joor verbiichoo
Weissgott es schmöckt scho lang nüme guet
30 Joor verlotteret, 30 Joor abechoo
Da Klima nimmt äim jede Muet

Ha mich totaal verfaare
Und s Auto hät e Panne
Jetzt hock ich i däm elände Kaff
Wenigschtens es Hotel und e Pfanne

De aalt Tockter und de Tootegräber
Gänd sich d Kante i de Hotelbaar
Hüt isch ene äin vo de Schuufle gumpet
Hüt gits käi Arbet meh, das isch ene klaar

Jetzt schtoot au no de aalti Moo am Himmel
Wie en schtinkige Chääs gseet er uus
Und ich ha susch scho d Nase voll
Bitte bitte lönd mi in Rue mit däm Blues

Ha mich totaal verfahre
Und jetzt die erzwunge Rascht
Lueg us däm dräckige Fänschter
Bi sit langer Ziit de allererscht Gascht

© Christoph Bürgin, pomeranzenmusik.ch