Guet Nacht

Guet Nacht – heb der Soorg
Bliib gsund – chum guet häi
Ich trink no e letschts Glas uf eu
Schloof guet – phüet di Gott
Träum süess – heb käi Angscht
Und da neemert de Oobed bereu

De Wirt hät d Chuchi putzt
Am Büffe isch wider Ornig
Nur äi Fläsche loot er no schtoo
D Kasse isch gmacht,
Dä Tag isch en guete gsii
Ich glaub, jetz söttet mir go
Ich glaub, jetz söttet mir go

Di bekannte Verdööchtige
hanged no ume
Ooni Schnaps goot die Bandi nid häi
Wa jetz no gschluckt wird
Goot ufs Huus – da isch klaar
Morn isch Sunntig, morn hämmer fräi
Morn isch Sunntig, morn hämmer fräi

Uf em Parkplatz schtoot no äine
und red mit em sälber
Är lost sich drum schaurig gäärn zue
Bi Vollmond wäiss er immer
psunders vill z verzelle
Und git hüt no lang e käi Rue
Und git hüt no lang e käi Rue

© Christoph Bürgin, pomeranzenmusik.ch