Scho no schaad

Bi geschter aachoo – do im Süde
Bi jetz am Luege, wie dä Töff do so lauft
S hät au e Baar doo – grad um de Egge
Döt wirsch mi finde bim roote Wii
Döt wirsch mi finde bim Wii

Scho no schaad das ich vergässe ha
Si noch em Name z frooge
Jo s macht mi hässig
das ich nid wäiss wie si häisst

Wän ich chum, winkt si scho vo Wiitem
Si mag mich guet, das isch mir klaar
Ich ha vergässe, si höflich z frooge
noch irem Name und obs ire do gfallt
noch irem Name und obs passt

Dänn häts gräggnet – de lieb lang Tag
Ich bliib im Huus und mach mer e Füür
Und au am Oobed bin ich plibe
S isch z nass und z chaalt für en Oobedspazier
S isch z nass und z chaalt für i d Baar

Am nöchschte Oobed bin ich wider ggange
Und freu mich uf de härzlich Empfang
aber dä fäält hüt – es schtoot en Tüpp do
Si hegi geschter de Letschti ghaa
Si hegi lang scho künt

Lieber en gschnälle Füüfer weder en langsame Zäner im Sack
Lieber en gschnälle Füüfer weder en langsame Zäner im Sack

Bi geschter aachoo – do im Süde
Bi jetz am Luege wie dä Töff do so lauft
S hät au e Baar doo – grad um de Egge
Döt wirsch mi finde bim roote Wii
Döt wirsch mi finde bim Wii

 

 

 

 

 

 

 

 

© Christoph Bürgin, pomeranzenmusik.ch