Truckersong

Är isch en Trucker ooni Truck
(Und) en Seemaa ooni See
En König ooni Land
En Winter ooni Schnee

Är isch en Fischer ooni Fisch
En Schpiler ooni Glück
En Metzger ooni Mässer
Vom Ganze blos es Schtück

Är heg de Arsch voll Schulde
Kei suuberi Weschte me
Jo, är heg emol do gwonnt
Nur hät men lang nüm gsee

Me seit da chunt dänn scho guet
Es bruuch halt sini Ziit
Es chöm dänn scho wies mue
Nu sig de Wääg halt wiit

Wär weiss scho wies tuet,
Wänns mol tuet wies mue
Wär weiss scho wies chunt
Wänns mol chunt wies mue

Är isch en Gärtner ooni Garte
(Und) en Händler ooni Waar
En Hänker ooni Strick
En Trinker ooni Baar

Är isch en Räbmaa ooni Räbe
En Jäger ooni Gweer
En Zäichner ooni Griffel
E Müli ooni Weer

Är heg de Arsch voll Schulde
Kei suuberi Weschte me
Jo, är heg emol do gwonnt
Nur hät men lang nüm gsee

Me seit da chunt dänn scho guet
Es bruuch halt sini Ziit
Es chöm dänn scho wies mue
Nu sig de Wääg halt wiit

Wär weiss scho wies tuet,
Wänns mol tuet wies mue
Wär weiss scho wies chunt
Wänns mol chunt wies mue

Är isch en Pöschtler ooni Brief
En Abwart oone Bäse
En Pfarrer ooni Bible
En Tropf wo nid will läse

Är isch en Zöllner oone Zoll
En Bäizer ooni Spunte
En Förschter ooni Wald
Är isch e Bombe ooni Lunte

Är heg de Arsch voll Schulde
Kei suuberi Weschte me
Jo, är heg emol do gwonnt
Nur hät men lang nüm gsee

Me seit da chunt dänn scho guet
Es bruuch halt sini Ziit
Es chöm dänn scho wies mue
Nu sig de Wääg halt wiit

Wär weiss scho wies tuet,
Wänns mol tuet wies mue
Wär weiss scho wies chunt
Wänns mol chunt wies mue