Znacht underwägs

Znacht underwägs, de Wäg isch wiit
En volle Tank und ganz vill Ziit
Ich faar as Meer – de Sunne zue
Bim Wäggoo händs rundume gseit
E Chaltfront chöm – de Wind heg trääit
Etz aber zügig nüüt wie furt

Im Radio sind hüt wider d Oldies draa
De richtig Soundtrack für en aalte Maa

De Vollmond schtoot hüt gross im Oschte
Wänn d schtoobliibsch wirsch no schnäller roschte
En liechte Näbel uf em See
En tote Dachs am Schtrooserand
Bringt mich dänn ziimlich durenand
Wiso warum und überhaupt

Wie es Klischee und chuum zum glaube
De Van singt etz vo bruune Auge
Und dänn verschüüst de Erich no de Scheriff
Etz mon ich bald en Kafi ha
Im Radio sind grad d Beatles draa
En heisse Tipp, chum „led it be“

 

© Christoph Bürgin, pomeranzenmusik.ch