Im Trüebe fische

Pack schnäll zäme, ich wett mit dir an See
Ha sit Wuche nu de graui Betong gsee
Mach dich paraat, es isch gar nid wiit
mir mached üs hüt e äxtragueti Ziit

Chum mir wänd im Trüebe fische
Zoobig dänn e ticki Gschicht uftische
Wärs glaubt wird sälig – wär lüügt wird root
mir faared häi i däm aalte Fischerboot

S schmöckt ganz andersch, etz simmer doo
Ich lueg wie pickt de junge Änte noo
Ghöörsch vo Wiitem samfti Wälle und de Wind
S isch mir gliich, wo jetz die andere alli sind

Ich ha gmäint ich packs älei i de Schtadt
überall Äinbahnschtroosse baald bisch schachmatt
En neue Name und Job wo di schliifft
Es Läbe wo zum letschte Loch uspfiifft

Pack schnäll zäme, ich wett mit dir an See
Ha sit Wuche nu de graui Betong gsee
Mir händ Ziit bis gnueg und gsänd wie d Sunne abegoot
Wie en Traum und wies i aalte Büecher schtoot

 

 

 

 

© Christoph Bürgin, pomeranzenmusik.ch